Vastelaoveszóndigmiddig: Crazy88 Vastelaoves editie.
Lol veur alle laeftieje!
Waat is Crazy88? Bie Crazy88 (Kreezie eejtie eet) kriegtj diene groep unne liest met allerlei leuke, gekke en ludieke opdrachte en vraoge die se es gruupke kins oetveure. Die kinse door ut hieële dörp doon. Doe kees zelf welke opdrachte en vraoge desse geis doon. Uiteraard mótte alle oetgeveurdje opdrachte waal gefilmdj of gefotografeerdj waere, óm te bewieze det se oug echt gedaon zeen. En zoea origineel meugelik natuurlijk. Doarom stuur se ein foto of filmke van de opdracht of oplossing mèt de telefoon nao ein centraal nummer. In totaal kriegs se twieë oor de tied om zoeaveul meugelijk opdrachte te doon. Eeder good oetgeveurdje opdracht levertj puntje op. Veur ut team mèt de meiste puntje, is natuurlijk unne leuke pries te winne!
Nao aaflaup laote wae een euverzicht zeen van foto’s en filmkes mèt waat alle groepe oetgeveurdj en oetgespoeaktj höbbe. Det weurdj gegarandeerdj lache! En daonao de polonaise in…
Programma:
Startlocatie: Café De Put
Tösse 13.00-14.00 oor kin gestartj waere
Tösse 13.00-16.00 oor: Oetveure opdrachte
Van 16.00-17.00 oor: Presentatie filmkes, foto’s en oetslaag
Eederein kan mèt doon; jónk en aod, gezinne, vrunjegroepe etc. Es gae mer mét ein gruupke zeetj (ca 4-6). Uiteraard verklèdj, want ut is tenslotte Vastelaovendj.
Bie veurkeur veuraaf opgaeve veur zaoterdag 26-02 via info@walvaegers.nl. Gaef den aub de naam van de contactpersoean door en ut aantal deilnummers van de groep. Bie de start zelf kriegtj gae verdere spulle en instructies. Veul plezeer!