Ut is alweer mieër den ein jaor geleje det wae zeen oetgerope es Jeugdprins en Jeugdprinses van de jónkvaegers. Ut waas ein kort seizoen mer ut waas geweldjig van oetrope, prinsenreceptie, jeugd bóntje middig, sjilderie ónthulle en de groeate optocht, ut waas kei sjiek!
Wae höbbe same van eder moment, eder minuut genote en in ós hert geslote. Bie deze wille wae ederein bedanke dae hie aan mèt heet gewèrktj. Super veul dank aan ós aojers en aan Yuna en Jace. Dank aan Prins Peter 3 (of 4 ;o) en Prinses Anita mèt häör Adjudante Bjorn en Sjaak. Den wille we de Jeugdraod, de begeleiding en de Raod van 11 bedanke. De Itterse minse wille wae bedanke veur de sjoeane tied.
Jeugdprinses Sofie I en Adjudantes Elin en Lizzy wille wae hieël veul succes winse veur unne geweldjige vastelaovendj en hopelijk geneetj gae der net zoeaveul van es det wae gedaon höbbe. Dit alles veur de lèste kieër ónger ós motto:
“De eine groeat, de angere klein, mèt vastelaovendj gaon wae wie eine trein”
