Beste Walvaegers en Walvaegsters,
De aafgeloupe tied höbbe wae allemaol weer te make gekrege mèt strengere maotregele m.b.t. ut Coronavirus. Aafgeloupe dinsdig, tiedes de persconferentie van ut kabinet, waerdje de toen geldendje maotregele verlingdj. Daonaeve waerdje der zaoterdig unne lockdown aangekondigdj dae zeker geit dore t/m vriedig 14 jannewari 2022. De verwachting van ós is det ut nog wel un tiedje zal dore veurdet de maotregele dusdanig waere versoepeldj det ter weer fysiek (binne en boete) mèt groeate groepe bie-ein gekómme moog waere.
Wae zeen es V.V. de Walvaegers den ouch genoeadzaaktj óm hie-op te anticipere en ós activiteite te beperke. Es noe dus al get dudelik is den is ut det ut vastelaovendj seizoen 2021/2022 gein volwaardig seizoen zal waere. Ómdet unne Prins gein volwaardig seizoen kan waere geboje, waat doeadzunj is ómdes se det mer eine kieër mèt maaks, höbbe wae es vereiniging beslote veur ut kómmendj seizoen geine Prins en Jeugdprins(es) oet te rope.
Nemes wètj wie de vlag der bie hingtj euver un paar waeke, laot staon wie ut euver un paar maondj geit. Waal zulle wae es vereniging good blieve kieke nao waat waal meugelik is óm activiteite door te laote gaon es de den geldendje Coronamaotregele det toelaote.
Veur noe winse wae eederein fijn fieëstdaag en un gezóndj 2022.
Bestuur V.V. De Walvaegers
